KAWRUH BASA JAWA

KAWRUH BASA JAWA

 

TEMBUNG SAROJA yaiku tembung loro padha tegese digandheng dadi siji, ngemu surasa akeh utawa mbangetake.

Tuladha :

1.     Ayem tentrem   : ayem banget

2.     Gagah prakosa   : gagah banget

3.     Sayuk rukun     : rukun banget

4.     Adi luhung      : apik banget

5.     Babak bundhas   : tatune akeh banget

 

TEMBUNG ENTAR yaiku tembung sing tegese dudu teges salugune.

Tuladha :

1.     Abang kupinge   : nesu

2.     Adus kringet    : olehe nyambut gawe rekasa banget

3.     Dawa tangane   : clemer (seneng nyolong)

4.     Lunyu ilate      : mencla-mencle

5.     Wedi getih      : jirih

 

TEMBUNG GARBA yaiku tembung loro kang digandheng nanging wandane disuda.

Tuladha :

1.     Ana – ing        : aneng

2.     Prapta – ing    : prapteng

3.     Nara – endra    : narendra

4.     Mara – ing      : mring

5.     Prawira – ing    : prawireng

 

TEMBUNG DASANAMA yaiku tembung-tembung kang tegese padha.

Tuladha :

1.     Anak             : atmaja, sunu, siwi, suta, putra

2.     Angin           : bayu, maruta, samirana

3.     Banyu           : ranu, tirta, warih

4.     Gunung         : wukir, aldaka, ardi, arga

5.     Segara           : jaladri, samodra, jalanidhi

 

SANEPA yaiku unen-unen sing ngemu teges kosok balen.

Tuladha :

1.     Abot kapuk           : entheng banget

2.     Kuru semangka       : lemu banget

3.     Legi bratawali         : pait banget

4.     Arum jamban         : bacin banget

5.     Landhep dhengkul     : bodho banget

Sumber : Copas dari Blog sebelah